სიახლეები
ქართული პროდუქცია ნიდერლანდების სამეფოში გამართულ ღონისძიებაზე წარდგება
09 ოქტ 2017

საქართველოს საელჩოს მხარდაჭერითა და საქართველოს ეკონომიკისა და მდგრადი განვითარების სამინისტროს სააგენტოს „აწარმოე საქართველოში“ ორგანიზებით, 2017 წლის 10 ოქტომბერს ქართული კომპანიები ნიდერლანდების სამეფოში, ქალაქ ვათერინგენში გამართულ ღონისძიებაში „შენი საკუთარი ბიზნეს დღე“ მიიღებენ მონაწილეობას.

ღონისძიებაზე, რომელიც ევროპის მასშტაბით უდიდესი სუპერმარკეტების ქსელში „Makro“ გაიმართება, განთავსდება საქართველოს სტენდი  სადაც 5 ქართული კომპანიის, კერძოდ შპს „გემუანის“, შპს „ვაზის უბნის მამულის“, შპს „გრეიფის“, შპს „სამთავისის“ და „ქარელის აგრო-ინდუსტრიული კომპანიის“ პროდუქცია იქნება წარმოდგენილი.

მნიშვნელოვანია, რომ აღნიშნული ღონისძიების ფარგლებში ქართულ კომპანიებს ეძლევათ საუკეთესო შესაძლებლობა დაამყარონ მნიშვნელოვანი კავშირები ევროპის ერთ-ერთ უმსხვილეს სუპერმარკეტების ქსელთან და აითვისონ ახალი საექსპორტო ბაზრები.

მნიშვნელოვანია, რომ სააგენტო „აწარმოე საქართველოში“ მსგავსი ტიპის ღონისძიებებს პერმანენტულად უწევს ორგანიზებას და აღნიშნული სახის ღონისძიებებში მონაწილეობით ხელს უწყობს ქართული პროდუქციის პოპულარიზაციას საერთაშორისო ბაზარზე.

                                                     


ჩამოტვირთე მეტი »