სიახლეები
თბილისში საქართველო-იტალიის ბიზნესფორუმი გაიმართა
18 ივლ 2018

2018 წლის 17 ივლისს, სასტუმროში „რედისონ ბლუ ივერია“ საქართველო-იტალიის ბიზნესფორუმი გაიმართა, რომელშიც 23 იტალიურმა და 120-ზე მეტმა ქართულმა კომპანიამ მიიღო მონაწილეობა. ფორუმი ორი ქვეყნის მთავრობების მიერ ერთობლივი ორგანიზებით, ეკონომიკისა და მდგრადი განვითარების სამინისტროს, სააგენტოს “აწარმოე საქართველოში“ და სავაჭრო-სამრეწველო პალატის მხარდაჭერით ტარდება. 

ფორუმი, რომელიც იტალიის პრეზიდენტის სერჯო მატარელას ოფიციალური ვიზიტის ფარგლებში ჩატარდა, ქვეყნებს შორის ეკონომიკური, პოლიტიკური და კულტურული კავშირების გაღრმავების მნიშვნელოვანი შესაძლებლობაა. ფორუმის მიზანია შექმნას და დაამკვიდროს სადისკუსიო პლატფორმა, სადაც  ფორუმის ინიციატივის ქვეყნების, იტალიური და ქართული კერძო სექტორის წარმომადგენლები განიხილავენ თანამშრომლობის გაღრმავების პერსპექტივებსა და კავშირებს საერთაშორისო და რეგიონალური ვაჭრობის სფეროში.

ფორუმის ფარგლებში, რომელიც საქართველოს ფინანსთა მინისტრმა, ივანე მაჭავარიანმა და იტალიის ეკონომიკის განვითარების მინისტრმა მიკელე ჯერაჩიმ გახსნა, საქართველოს საინვესტიციო პოტენციალისა და ბიზნესის წარმოების შესაძლებლობების შესახებ პრეზენტაცია წარადგინა საქართველოს ეკონომიკისა და მდგრადი განვითარების მინისტრის მოადგილემ გიორგი ჩერქეზიშვილმა.  ფორუმის მსვლელობისას განხილული იყო ისეთი აქტუალური საკითხები, როგორიცაა: სატრანსპორტო ინფრასტრუქტურა,სასოფლო-სამეურნეო წარმოება, ენერგეტიკის სფეროში რეგიონთაშორისო შესაძლებლობები და ქვეყნის საინვესტიციო პოტენციალი. ამასთანავე, ბიზნესფორუმის ერთ-ერთი პანელი განათლებასა და სამეცნიერო კვლევებს მიეძღვნა. სამუშაო სესიების შემდეგ იტალიური და ადგილობრივი კომპანიების წარმომადგენლებს შორის B2B შეხვედრები გაიმართა. 

აღსანიშნავია, რომ ფორუმის მუშაობაში მონაწილეობას მიიღეს საქართველოს პრემიერ-მინისტრთან ერთად, იტალიის სახელმწიფოს მეთაურმა და ქვეყნების ეკონომიკური პროფილის სამინისტროების მაღალი თანამდებობის პირებმა.

 

.


ჩამოტვირთე მეტი »